【星之子訪問】700萬買一房戶 陳易希：「落疊」後有壓力

14歲時憑「智能保安機械人」獲國際獎項，翌年一顆小行星以他命名。香港發明家、香港首位星之子，中五畢業後被香港科技大學破格取錄的陳易希，早前創業後再踏上人生另一階段：上車。

曾有目標25歲買樓的陳易希，因對父母在97年樓市高位買樓有陰影及礙於樓價高企，一直擱置在港置業的計劃，但他終在去年28歲之齡克服心魔在九龍區置業。買樓契機竟源自一次在街上被街邊經紀搭訕推銷，然後笑言就「落咗疊」買樓。

對於7年前創業的陳易希而言，創業是「nothing to lose」及可以「平常心面對」，但對去年斥資近700萬元買樓的決定則顯得猶豫，未知買樓決定「啱唔啱」，並坦言買樓後感到有壓力。

在最初受訪被問到近期是否有買樓時，陳易希表現尷尬，笑指:「唔答得唔得架?」，但其後坦承已經買了樓，並指:「唔係咁想答嘅原因呢，就係因為都唔知個決定啱唔啱。」他表示，買樓後感到有些壓力，認為目前的樓價算是相當高，買樓的資金投資在其他方面或有更高回報。

根據土地註冊處資料，陳易希是在去年3月以694萬元，購入啟德嘉匯一個一房單位，實用面積377呎。至於買樓的主要原因，陳易希表示:「都係諗住驚佢再升就買唔到，我唔係好識得投資，其實而家都唔知係輸定贏，所以都有啲驚」。

雖然陳易希擔心在樓市高位入市，惟事實上在去年3月買樓以來，樓價走勢節節上升，屢創新高。最新在上周五(19日)公佈的中原城市領先指數CCL報167.51點，再創歷史新高；而其購入單位所在的九龍區，九龍CCL_Mass報165.49點，同樣下創歷史新高。但對樓價高升，陳易希其實未有太大感覺，指:「冇再睇過係點樣(樓價)，因為我又唔係拎嚟炒樓。」

由舉旗不定到最終落實買樓，陳易希可能要多謝一位「積極」的地產經紀。他坦言，最初其實未有決定買樓，是一次偶爾在街上走路時，被街上的經紀上前搭訕，「最尾又畀啲sales sale 下，就落咗疊」，對於購入的單位亦笑言指「唔係好有心水架咋都，係亂嚟架」。

由於陳易希今次買的是樓花，要等多一年才可入住，被問到屆時是否會結婚，他就表示:「可能」，承認買樓與結婚是有些關係，惟又指「不過話唔埋嘅呢啲嘢，未來嘅嘢，可能我聽日中咗六合彩呢一期。」

雖然陳易希在創業後，再透過經營生意所得，買了其人生在香港的第一層樓。惟對於應該優先選擇創業或買樓，他仍表示自己會優先選擇創業，不會想因為買樓而失去創業的機會，因為做自己開心及認為對的事更重要。

他認為，創業通過努力可以改變某些事情，但樓價就完全不可以控制，「個人最大投資都係擺係請人同繼續谷大個business」。他指出，當年只需花費約兩萬元進行商業登記註冊，加購買一些電腦設備就創立了公司，創業成本不足十萬元。所以其創立的公司「Bull.b」在創立3個月後已達至收支平衡，陳易希笑指:「好快就break even，點解好快break even 呢，因為本身都冇咩開支，nothing to lose ，冇得畀我輸。」

但不足十萬元成立的公司，目前已成為年收入上千萬元及盈利上百萬元的一盤生意，已不是當初的 「nothing to lose」。問到其會否害怕有日生意失敗，陳易希則表示會以平常心面對，「冇得驚架喎呢樣，只係居安思危啦，當人哋話做得幾好喎，企業又揾到錢，又可以養到團隊，自己就會覺得其實好多嘢都仲有危機，仲未夠嘅，一山還有一山高。」但當公司面對困境及低潮，推出的產品未有預期效果好或遭到生意上的損失，又會安慰自己「其實一山還有一山低，仲困境嘅人大有人在。」

記者：彭崇強

新聞來源：https://hk.finance.appledaily.com/finance/realtime/article/20180122/57737218