信貸報告的重要性

許多客戶因為信貸不良導致貸款批核不成功，以下為大家講解下信贷报告的重要性？如何提升自己的信贷评分? 

【信貸報告有乜用途？】

 信貸報告（Credit Report）係一份反映你過往財務記錄、還款習慣同信用狀況嘅報告。喺香港，信貸報告係由環聯（TransUnion）信貸資料機構提供，所以又被稱為TU信貸報告。 呢份報告嘅內容受到高度保密，一般嚟講，只有你本人同你申請信貸嘅機構至可以查閱你嘅信用狀況。當你申請信用卡、按揭或個人貸款等信貸產品時，銀行及財務機構或會參考你嘅信貸報告，才決定會否批核貸款。而你亦可以透過報告了解自己嘅信貸狀況，或者向信貸機構提交呢份報告，以證明你嘅財務狀況穩健，咁就有更大機會獲得貸款同較優惠嘅利率。 

【點樣改善信貸評分？】 

正因為信貸評分反映咗你喺某特定時刻嘅信貸狀況，所以呢個分數會隨住報告內容更新（例如你申請咗新信用卡或者還清貸款）而變動。想提高信貸評分，其實都不外乎以下幾種方法：

 【準時還款】 每個月記得要準時還錢，但係唔好以現金透支或「卡冚卡」嘅方式還款，因為咁樣只會你嘅債務愈滾愈大。其實無論係逾期還錢、被人追債抑或破產，都會影響你嘅信貸評分。假如你有經濟困難，未能準時還錢，你應該通知貸款機構，商量其他還款安排。 

【量力而為】 借錢前應衡量你嘅還款能力，盡量只借取個人所需嘅金額，千祈唔好過度借貸。假設你嘅信用卡有10萬蚊信用額，亦不宜有幾多碌幾多，記得有能力還錢至碌卡。 

【避免申請太多信貸產品】 如果你同時向多間金融機構申請貸款，或者會被銀行視為係「等錢使」嘅高風險客戶，分分鐘鐘令有關機構提高貸款利率！ 

【定期查核信貸報告和信貸評分】 定期檢視你嘅信貸報告同評分，了解一下個人財務狀況，記得留意下有冇可疑或者錯誤嘅資料。如果有錯漏，你可要求更改。想更加深入了解自己嘅信貸狀況，你可以喺網上訂購信貸報告，或者親自上環聯申請，又或致電環聯查詢。